I bëri dhuratën më të çmuar, në përvjetorin e martesës

48-vjeçarja Nicola Bryant i bëri dhuratën më të çmuar bashkëshortit të saj, në përvjetorin e 25-të të martesës së tyre. Ajo i dhuroi atij një veshkë të saj.50-vjeçari Nigel Bryant detyrohej tre herë në javë nga 4 orë të bënte dializën. Ndaj bashkëshortja e tij vendosi ta shpëtonte nga kjo “torturë”.Pasi kreu analizat e duhura, mjekët i thanë se mund t’i dhuronte një nga veshkat dhe burrë e grua hynë në sallën e operacionit për të bërë transplantimin.“Ishte dhurata më e mirë që mund t’i bëja. Doja që ta bëja jetën e tij më të mirë. Është ende herët, do të vazhdojë të kryejë analiza të tjera dhe teste mjekësore, por deri tani përmirësimi i jetës së tij është i dukshëm. Mund të hajë çfarë të dojë dhe nuk detyrohet të qëndrojë orë të tëra i lidhur pas një aparature për të bërë dializën. Ka ndryshuar jeta e gjithë familjes sonë”, tha e emocionuar kjo bashkëshorte e devotshme. /alb-observer.com/

prandaj qendron ne kembe kjo bote e felliqur ...

se ka dhe njerez te tille te mire