Vera e nxehtë, 'braktiset' Tirana

TIRANË- Sapo ka hyrë muaji gusht dhe rrugët e kryeqytetit me mbi 1 milionë banorë po boshatisen pak e nga pak. Kryeqytetasit kanë marrë pushimet dhe i janë drejtuar plazheve të vendit apo edhe atyre jashtë Shqipërisë.
Dy javët e para të gushtit, atëherë kur është edhe piku i sezonit turistik, Tirana e zhurmshme kthehet në një qytet të qetë dhe të nxehtë, ku edhe ata që ndodhen ende këtu, për t’u freskuar u drejtohen pishinave në periferi të qytetit. Në këtë fillim muaji, ndihet edhe më shumë zbrazëtia e qytetit, ku të paktë janë njerëzit që lëvizin rrugëve. Gjithashtu edhe trafiku nuk është më ai i ngarkuari që jemi mësuar të shikojmë gjatë ditëve të zakonshme në kryeqytet.

Mbrëmja në Tiranë është disi më e gjallëruar dhe kjo kryesisht në disa zona, falë lokaleve të natës për të rinjtë që i japin 'jetë' qytetit me muzikën e tyre. Të gjithë ata që nuk i janë drejtuar bregdetit frekuentojnë këto lokale si një ndër të paktat mundësi argëtimi në kryeqytet.

Tiranës i kthehet gjallëria në muajin shtator, kur përveç fundit të sezonit turistik, fillon sezoni i ri artistik në institucionet kulturore të vendit.

(d.b/BalkanWeb)

e se filloj shkollat atehere pranej