Gjykata dënon bashkëshortin, i gjente klientë gruas së tij, që punonte si prostitutë

Gjykata ka dënuar një shtetas me 4 vjet e 8 muaj burg pasi akuzohet për dhunë dhe shfrytëzim prostitucioni ndaj bashkëshortes të tij. Historia i ka fillesat në vitin 2010, ku Adriatik Kasa dhe B.Kasa, të cilët kanë dy fëmijë patën një konflikt dhe gruaja është larguar nga shtëpia pa i thënë gjë bashkëshortit. Ky i fundit ka shkuar për t’u interesuar tek prindërit e saj në Pezë, por mësoi se e shoqja kishte lënë fëmijët e më pas ishte larguar.

Pas rreth tre muajsh ai arrin të kontaktojë me B.Kasën, e cila i ka thënë se ndodhej në Sarandë. Ai i ishte lutur që të kthehej dhe kur kjo ndodhi ajo i rrëfeu se kishte punuar si prostitutë në Sarandë. Adriatiku s’reagoi keq ndaj të shoqes, por i propozoi që ajo të vazhdonte punën si prostitutë, madje ai do e ndihmonte që të gjente klientë.

Dhe kështu për shumë kohë ata vazhduan të punonin deri sa një ditë B. Kasa vendosi ta denonconte burrin se ai e dhunonte. Pas hetimeve të kryera organi i akuzës ka depozituar dosjen në gjykatë në ngarkim të Adriatik Kasës, me akuzën e “shfrytëzimit të prostitucionit në rrethana rënduese”. Gjatë gjykimit Kasa ka pranuar krimin e kryer, dhe Gjykata e Tiranës e ka dënuar atë me 4 vjet e 8 muaj burg. /E.L/

zot cme pan syt...kto kan lujt menc