Sarandë, 12-vjeçari bie nga 4 m lartësi, po ecte në gjumë

Një 12-vjeçar ka rënë nga ballkoni i shtëpisë, pasi ishte ngritur nga shtrati dhe kishte nisur të ecte në gjendje gjumi.

Burime nga policia e Sarandës bëjnë të ditur se ngjarja ka ndodhur mbrëmjen e djeshme në Ksamil, ku 12-vjeçari, i cili ndodhej në gjendje somnambul ka rënë nga katër metra lartësi.



Mësohet se fëmija u nis menjëherë me helikopter drejt Spitalit Ushtarak në Tiranë, prej nga mësohet se është në gjendje të rëndë, pasi ka hemorragji cerebrale dhe dëmtime të shumta në trup.

Personat që vuajnë nga somnambulizmi shpesh luftojnë me personazhe të padukshme, hidhen nga krevati, shëtisin nëpër korridoret e shtëpisë apo dalin në rrugë duke fjetur.