Një bukuroshe vlonjate në ‘Miss Italia Mondo’

Një shqiptare ka mundur të hyjë në finalen e ‘Miss Italia Mondo’, i cili është një konkurs bukurie që zhvillohet në vendin fqinj e në të cilin marrin pjesë bukuroshet që banojnë në Itali, por që ende nuk kanë pasaportën italiane. Sivjet në këtë eveniment të rëndësishëm të spektaklit italian i cili zhvillohet që prej vitit 1939 morën pjesë rreth 250 konkurrentë nga vende nga më të ndryshmet si Rumania, Rusia , India apo Anglia dhe Adriana Jasimi, me banim prej 13 vjetësh në Firence, arriti të kalojë në fazën më të rëndësishme të konkursit.
Bukuroshja shqiptare, Adriana Jasimi, ka sy të gjelbër, 1 metër e 74 e gjatë dhe ka lindur në vitin 1992 në Vlorë. Ajo ka mbaruar institutin e mesëm tekniko-social për marketing dhe tani për tani endrra e saj është moda.
Në natën finale të 26 gushtit e cila do të transmetohet nga RAI ajo do të mbajë numrin 44. Ajo shprehet entuziaste dhe shpreson që të marrë vota sidomos ato të patriotëve të saj që jetojnë atje si emigrantë./alb-observer.com/

Firence ka goca te bukra