Çorape të çuditshme zëvendësojnë këpucët!

Do të guxonit ndonjëherë të vishnit këto çorape dhe të dilnit në rrugë? Kompania zvicerane Barefoot guxoi gjithsesi që të krijonte këto çorape të pazakonta, me qëllim që të zëvendësojnë këpucët dhe t’i bëjnë klientët të ndjehen sikur ecin zbathur.

Edhe pse nuk besojmë se do të vijnë ndonjëherë në modë këto çorape, shpikësit e tyre zviceranë besojnë se ato janë ideale “për njerëzit që u pëlqejnë të ecin pa këpucë, por ato mund të përdoren edhe për aktivitete të ndryshme, si p.sh. për alpinizëm”.

Këto çorape janë të përbëra nga një material i veçantë, duke ofruar mbrojtje për këmbët e përdoruesve të tyre nga sendet e ndryshme që ndodhen në rrugë. Gjithashtu, ky material i mbron këmbët edhe nga infeksionet, citon alb-observer.com/

“U deshën shumë vite kërkim derisa të arrinim në këtë rezultat. Tani po mendojmë të krijojmë një lloj çorapeje që do të ndihmojnë edhe ata që duan të vrapojnë në maratonë”, thotë Dieter Hesch, pronari i kompanisë zvicerane.

Çmimi i këtyre çorapeve kushton rreth 45 stërlina për palë. Nëse ju duken të shtrenjta, ta dini që rehatia që ofrojnë nuk ka të paguar. Gjithashtu, do të tërhiqni vëmendjen e të gjithëve nëse do vishni çorape të tilla me këpucët tuaja. Mendojeni njëherë…! /alb-observer.com/