Gazetarit të “TCH” i ndalohet hyrja në Greqi përjetësisht!

Një incident i ngjashëm me atë të gjyqtareve të çështjes së kryetarit të “Omonias” në Korçë, të ndodhur muaj më parë ka ndodhur orët e para të mëngjesit të sotëm.

Gazetarit të Top Channel, Marin Mema, i është refuzuar hyrja për në shtetin fqinj Greqi nga autoritete kufitare, në pikën e Qafë-Botës, madje masa ndaj tij, ka qenë “Refuzim i përjetshëm” për hyrje në këtë vend, nën arsyetimin se ai është konsideruar i rrezikshëm për sigurinë kombëtare të Greqisë.

Sipas informacioneve të para, mëshohet se ndalimi i të drejtës për të hyrë në territorin grekë, ka ardhur për shkak se gazetari Marin Mema po realizonte një cikël reportazhesh për çështjen çame të titulluar “Shqipëria Tjetër”./alb-observer.com/