Sytë tregojnë për orientimin tuaj seksual

Tue 21 Aug 2012 - 22:26

SHBA-
Nëse është për t’i besuar hulumtimit më të ri, ata mund të jenë tregues
të orientimit seksual. Hulumtimi i publikuar në revistën PLoS One
sugjeron që zgjerimi i bebëzës është tregues i sigurt i asaj që eksiton
njeriun. Kur njerëzi shohin diçka që i tërheq, bebëzat e tyre zgjerohen
pavetëdijshëm si reaksion i eksitimit të trupit.

“Nëse mashkulli
është heteroseksual, bebëzat e tij zgjerohen kur shohin femrën e cila i
pëlqen. E njëjta gjë është edhe me homoseksualët, nëse u pëlqen
mashkulli, bebëzat e tij zgjerohen kur shohin ndonjë mashkull të
pëlqyeshëm”, ka shpjeguar psikologu Ritch Savin-Williams.

Ky
studim është eksperimenti i parë i madh i cili ka vërtetuar që ekziston
lidhja në mes zgjerimit të bebëzës dhe eksitimit seksual. Në hulumtim
kanë marrë pjese 165 femra dhe 160 meshkuj, heteroseksualë, homoseksualë
dhe biseksualë.

Ata kanë shikuar video me meshkuj duke
masturbuar, femra të cilat masturbojnë edhe skena neutrale të peizazhit,
ndërsa gjatë asaj kohe kamera ka matur ndryshimet në madhësinë e
bebëzave të tyre.

Rezultatet kanë treguar që zgjerimi i bebëzës është indikator i saktë i orientimit seksual.
(m.a/kd/BalkanWeb)