16 vjeçarja që peshon vetëm 10 kg

Është e gjatë 1 metër e 7 centimetër, 17 vjeç por peshon vetëm 10 kilogramë. Kjo është historia e Darlene Armstrong, një vajzë me aftësi të kufizuara në Chikago e cila nuk ushqehej nga e ëma sepse ajo harronte ti jepte për të ngrënë.

Shërbimet sociale e kanë dërguar vajzën në muajin mars në spitalin Comer Children në Chicago.

Nëna e saj, Rosetta Harris e cila është 50 vjeç u dënua me 18 muaj liri me kusht, e detyruar të ndjekë kurse për mëmësinë.

Siç raporton noa.al, nga ana e autoriteteve është hapur edhe një hetim lidhur me vonesën për ndërhyrjen e shërbimeve sociale çka ka ngjallur polemika të shumta në Shtetet e Bashkuara të Amerikës.

Departamenti i fëmijëve dhe familjes në Illinois i kishte marrë sinjalizimet e para qysh prej muajit nëntor të vitit 2011.

Shumë denoncime kishin ardhur lidhur me këtë rast dhe kequshqyerjen e saj dhe faktin se prej kohësh ajo nuk ishte vizituar nga një mjek.

Mësohet se përfaqësues të shërbimeve sociale kanë shkuar 3 herë në shtëpinë e Rosseta por nuk kanë mundur ta shohin atë dhe as të kuptojnë gjendjen e saj.

Vetëm në 14 mars në vizitën e katërt, punonjësit mundën të shikonin vajzën dhe lajmëruan menjëherë të alarmuar policinë.