“Te Genti”, aty ku gatuhet me doza humori

Receta më e mirë që mund të gatuhet, është kur i shton edhe pak doza humori. E kush mund ta bëjë më mirë këtë gjë, sesa Gent Zenelaj.

Aktori i njohur i humorit do të shfaqet këtë sezon të ri televiziv në një format krejt ndryshe. Ai nuk është larguar nga Vizion Plus, por përkundrazi, ka emisionin e tij interesant që transmetohet në Tring Living.

Humoristi Zenelaj me emisionin e tij “Te Genti” do të ketë të ftuar në studio personazhe të ndryshme të njohur, nga fusha e artit, muzikës, politikës…

Një emision krejt ndryshe nga të tjerët, ku mund të gatuash, hash, argëtohesh dhe tregosh “mini sekrete” njëkohësisht. Kjo “i pret” personazhet publike që do të jenë të ftuarit e tij.

Kjo ndodhi edhe me Rosela Gjylbegun, që ishte e ftuara e tij e parë. Dhe shef Genti nuk përtoi por i përgatiti të gjitha recetat e saj të preferuara, që ishin vërtet pjata shumë të shijshme. /alb-observer.com/