Shkup, gruaja lind në rrugë, pa ndihmën e askujt

Një grua 40 vjeçare ka lindur dje në një nga rrugët në pjesën qendrore të Shkupit, duke mos i`u afruar ndihma mjekësore. Gruaja, identiteti i të cilës nuk është publikuar, ka lindur vetëm pa ndihmën e askujt, me ç`rast ka sjellë në jetë një vajzë me peshë 2 kilogram e 900 gram. Ajo ka arritur që të lind foshnjën në momentin kur nuk ka mundur të arrijë për të kërkuar ndihmën mjekësore dhe është shtrirë pranë kopshtit të Pishinës Olimpike në Shkup, dje rreth orës 16.30. Më pas, kalimtar të rastit kanë parë gruan e posalindur dhe kanë thirrur ndihmën e shpejtë. Ky është një nga rastet e para publike në Maqedoni, që ka nxitur reagimet dhe shkrimet e mediave. Nëna e sapolindur po shtrihet për kurim në Gjinekologjinë e Shkupit, ndërsa foshnja në Klinikën e Fëmijëve në Shkup. (INA)

Jane te forta SHkupjanet
Me jet te gjate Bebi