Një stuhi rëre fotografuar nga hapësira!

Me termin stuhi ranore, karakterizohen përgjithësisht stuhitë e rërave, pra stuhitë me mbi 8 ballë (me një shpejtësi prej mbi 62 km në orë), që transportojnë kokrriza rëre.

Që të quhen si të tilla, pra stuhi ranore ato duhet të transportojnë sasi të mëdha rëre apo pluhuri që përfshin një sipërfaqe shumë të madhe.

Dukuria e stuhive ranore, zakonisht i paraprinë kohës së keqe me stuhirëra të fuqishme dhe reshje shiu. Stuhia ranore është një fenomen i zakonshëm në Arabi, Egjipt dhe në shumë shtete të tjera Afrikane ku gjenden dhe sipërfaqe të pafundme shkretëtire të mbuluara nga rëra. Në Egjipt, stuhitë e rërës quhen “Hamsin”, ndërsa në Palestinë, Siri dhe Sahara, quhen “Simun”.Stuhitë e rërës janë një nga dukurit më spektakolare, veç mos “rënç në rrugën e saj”, por ta shikosh në fotografi! Sigurisht në fotografi, siç këto që alb-observber.com ju paraqet të nxjerra nga satelitët që ndodhen në hapësirë. Kjo dukuri duket shumë më spektakolare nga hapësira sesa nga “afër”.Shkencëtarët pohojnë se frekuenca me të cilën shfaqen stuhitë e rërës janë shtuar së shumti vitet e fundit, për shkak të ndryshimeve klimaterike dhe të thatsirave të mëdha.
Ndërkohë fenomeni i stuhive ranore është më i thekuar në vendet si Azi, Australi dhe SHBA./alb-observer.com/