Një çudi e re greke: Paradite gjykatës, në mbrëmje travesti!

Sun 23 Sep 2012 - 1:42

Këto kohë në Greqi gjykatësit janë hedhur në greva të vazhdueshme, pasi u shkurtuan pagat e tyre. Por mesa duket, masat e reja të qeverisë nuk janë në qendër të diskutimit mes një gjykatësi dhe një gjykatëse të krahinës së Peloponezit. Dy kolegët preferojnë të diskutojnë më mirë për tema më interesante, siç janë preferencat e tyre seksuale.Veç se këto diskutime kanë mbërritur deri në Ministrinë e Drejtësisë dhe kanë shkaktuar dhimbje koke. Biseda ka depërtuar nga kompjuterët e tyre dhe ka përfunduar në internet, ndërsa fjalët e përdorura janë shumë me spec.

Sipas gazetës greke “Parapolitika”, këto dialogë përcillen nga një gjykatë në tjetrën dhe shkaktojnë zhgënjim tek kolegët e tyre të rregullt.

Dialogët mes gjykatësit dhe gjykatëses janë kaq provokues, saqë do t’i bënin profesionistët e linjave telefonike rozë të skuqeshin dhe të quheshin amatorë para tyre.

Ata paradite shfaqen seriozë në postet ku punojnë dhe gjykojnë çështje të ndryshme, ndërsa në mbrëmje kthehen në travesti apo marrin pjesë në orgji me avokatët e zonës.

Çifti i jashtëligjshëm (pasi sipas informacioneve, që të dy janë të martuar) hyjnë në kategorinë e njerëzve që kanë nevojë për ndihmë. Kjo, pasi gjykatësi pranon se natën vishet si grua dhe ecën rrugëve të qytetit, në kërkim të partnerëve erotikë, ndërsa gjykatësja shfaq preferenca lesbikeje.

Madje nuk nguron të parashikojë edhe një treshe erotike me bashkëshorten e tij të tradhtuar, ndërsa njëkohësisht zbulon lidhjet e saj dashurore me avokatët e qytetit në të cilët ushtron profesionin si gjykatëse. /alb-observer.com/