Adelina Tahiri: “Nuk më lë mami që të zë të dashur”

Edhe pse është një femër shumë e bukur dhe tashmë në moshë madhore, këngëtarja Adelina Tahiri është ende pa të dashur. Dhe shkak për këtë duket se është e jëma e këngëtares bukuroshe e cila nuk I ndahet ngado që shkon dhe është shumë vigjilente karshi djemve që I afrohen së bijës.
“Ndoshta ju duket jo reale dhe ju dukem si në kohën e vjetër, por për momentin nuk kam të dashur dhe nuk jam e dashuruar. Mamaja ime nuk më lë të zë të dashur”, ka thënë Adelina me pafajësinë e saj në një intervistë mediatike.
Megjithatë ajo shprehet se e jëma, Teuta, është mikja e saj më e mirë dhe se nuk i fsheh asgjë dhe pranon gjithmonë këshilla prej nga ajo. Përsa I përket dashurisë ajo shprehet se gjithcka do të vijë në kohën e vet:“Mendoj se asnjë mashkull nuk do të donte që të ketë pranë vetes një femër që jeton gjithmonë në lëvizje me valixhe në duar, e gatshme edhe për një tjetër koncert. Por asnjëherë nuk e kam humbur besimin në dashuri, pasi kjo gjë do më ndodhë besoj së shpejti, kur të vijë koha e vërtetë”./alb-observer.com/