Brand shpjegon ndarjen nga Perry

Russell Brand u divorcua rreth nëntë muaj më parë nga Katy Perry dhe më në fund komiku britanik shpjegoi pse martesa mes tij dhe këngëtares amerikane nuk zgjati më shumë se 14 muaj.

“Ndonjëherë gjërat shkojnë mirë e ndonjëherë jo. Nëse ndjen që ka papërputhshmëri mendoj se çifti duhet të ndahet”, u shpreh 37-vjeçari për një televizion australian.

Brand theksoi se njerëzit duhet të frekuentojnë persona të tjerë që kanë interesa të përbashkëta.

“Nëse të pëlqejnë xhirot me biçikletë, duhet të dalësh me dikë që i pëlqejnë xhirot me biçikletë. Nuk mund të jesh sportist profesionist dhe të lidhesh me dike të varur nga droga”, shpjegoi aktori.