Justin Bieber vjell në skenë

Justin Bieber ka nisur me këmbë të keqe turin e tij “Believe”. Gjatë koncertit të tij të parë ditën e shtunë, këngëtari 18-vjeçar volli në skenën Jobing Arena, në Arizona.

Bieber u kërkoi të falur fansave për këtë të papritur dhe ata e mbështetën me duartrokitje të forta.

Edhe pse kënga ndaloi, kori dhe balerinët vazhduan performancën derisa Bieber u kthye të këndonte.

Kjo skenë u përsërit edhe një herë tjetër, por edhe pse dukej që këngëtari i ri nuk ishte aspak në formë, shfaqja nuk u pezullua.