I riu grek përdhunon vajzën nga Shqipëria

Një vajzë 19-vjeçare nga Shqipëria përdhunohet në një parking nga një i ri grek. Ngjarja u denoncua mëngjesin e djeshëm në Kavala, ku 19-vjeçarja ishte në gjendje të rënduar psikologjike. Sipas raporteve të medias greke, agresori është një shtetas grek, 22-vjeçar, i cili është akuzuar për përdorimin e dhunës fizike e seksuale. Mësohet se djali e ka detyruar vajzën shqiptare të kryente marrëdhënie seksuale me të në një vend parkimi publik.
Autori u arrestua në flagrancë falë një telefonate që një kalimtar bëri në policinë e qytetit. Menjëherë pas telefonatës policia shkoi në vendin e ngjarjes, ku identifikoi dhe arrestoi autorin e krimit. 22-vjeçari do të merret në pyetje në prokurorinë e qytetit dhe hetimi do të kryhet nga Departamenti i Sigurisë, Kavala. Nga ana tjetër, vajza shqiptare është dërguar në spital për asistencë mjekësore dhe psikologjike.



http://www.mapo.al/2012/09/12/i-riu-grek-perdhunon-vajzen-nga-shqiperia/