Eliza Dushku shfaq dokumentarin

Aktorja e mirënjohur hollivudiane me origjinë shqiptare Eliza Dushku, ka shfaqur mbrëmë premierën e dokumentarit të saj, “Dear Albania”, ne te cilin tregohet rrugëtimi i Elizës dhe vëllait të saj nëpër Shqipëri, në kërkim të rrënjëve të familjes por edhe për të njohur më mirë, traditat, zakonet e bukuritë natyrore të vendit të babait të tyre.

“Ndjehem më pranë vendit tim të origjinës dhe isha mjaft e emocoinuar, por edhe pak nervoze, për këtë premierë këtu në Tiranë. Nëse premiera do të ishte në Los Angelos apo Nju Jork nuk do të isha kaq nervoze, por kjo është këtu në Shqipëri dhe dojja ti bëja njerëzit këtu krenarë. Shpresoj që ky të jetë i pari ndër shumë projekte të tjera në Shqipëri dhe mbase kur të vijë tjetri do të kem mësuar edhe shqip. Kam shumë njerëz që më mbështesin she shumë miq këtu”, tha Eliza Dushku.Eliza, së bashku me të dashurin Rick Fox dhe vëllanë e saj ,Nate, i cili është edhe drejtor i dokumentarit, kanë udhëtuar nëpër Shqipëri, në disa prej qyteteve dhe zonave më të rëndësishme të saj, duke kërkuar që përveç njohjes me bukuritë e vendit të gjyshërve, të promovonin edhe turizmin në vendin tonë

bravo i qofte .......