Ndalohen 5 shtetas sirianë, do kalonin ilegalisht kufirin

Policia e Fierit ka ndaluar 5 shtetas sirianë, të cilët kishin hyrë ilegalisht në vendin tonë dhe po përpiqeshin të kalonin kufirin për në shtetet e tjera e Europës.

Gjithashtu bëhet e ditur se janë ndaluar edhe dy shtetas shqiptarë.

Pesë shtetasit sirianë u arrestuan, pasi akuzohen për kalim të paligjshëm të kufirit, ndërsa mbi dy shqiptarët e ndaluar, përkatësisht Arben Mërrukut dhe Fisnik Dervishit rëndon akuza për dhënie ndihme për kalim të paligjshëm të kufirit.

Të gjithë shtetasit e lartpërmendur u kapën teksa udhëtonin në autobusin me targa TR 46 79 S në aksin Levan-Tepelenë, ndërsa mësohet se transporti i 5 shtetasve sirianë kryhej kundrejt shumës 50 euro personi. Lidhur me këtë rast materialet i kanë kaluar Prokurorisë së Fierit për ndjekje të mëtejshme të rastit. Shqipëria vazhdon të mbetet vend transit për kalimin e paligjshëm të shtetasve të huaj në drejtim të vendeve fqinje.

/Shekulli Online/ Përgatiti: E.L/