PSG-Dinamo, përleshje midis tifozëve

Disa huliganë të skuadrës kroate të Dinamos së Zagrebit, të njohur si “Blue Bad Boys”, provokuan një zënkë me tifozët vendas në kryeqytetin francez, duke detyruar policinë që të ndërhynte dhe të arrestonte disa prej tifozëve.

”Një zënkë masive ndodhi në orët e para të mëngjesit në lagjen e Bastijës, ku si rrjedhojë u detyruam të dërgonim trupa të shumta policore për të garantuar rendin. Një grup prej 150-200 tifozësh radikalë, që kanë udhëtuar deri në Paris për të qenë të pranishëm në “Parc des Princees”, tashmë janë duke u mbajtur nën vëzhgim të rreptë”, larjmëroi policia franceze.

Nga ana e tij, ministri i Rendit, Manuel Valls, informoi se autoritetet kroate i kishin dërguar policisë franceze profilet e tifozëve më të rrezikshëm dhe se ata ishin mbajtur nën vëzhgim që prej mbërritjes në Francë.