Tirana, tifozët bllokojnë stërvitjen

Në kohën që skuadra e Tiranës po bëhej gati për të startuar stërvitjen e zakonshme, dhjetra tifozë bardheblu kishin bllokuar në mënyrë paqësore fushën e kompleksit “Skënder Halili” në shenjë proteste për situatën në klub dhe rezultatet jo të mira të ekipit gjatë këtyre javëve të fundit.

Përpjekjet e trajnerit Tafaj për të gjetur një gjuhë mirëkuptimi me ta janë injoruar nga tifozët e skuadrës me më shumë tituj në Shqipëri.

Pas një bllokimi prej rreth 10 minutash, tifozët ia kanë lënë fushën skuadrës për të vazhduar në mënyrë normale stërvitjen, ndërkohë që kanë kërkuar përmirësimin e situatës në klub dhe skuadër.

Jashtë kamerave tifozët e Tiranës akuzojnë drejtuesit e klubit bardheblu si përgjegjësit kryesorë të pengimit të hyrjes së tyre në stadium për të mbështetur skuadrën në ndeshjen e fundit me Kukësin, e vlefshme kjo për Kupën e Shqipërisë.