Bulqizë, varrim misterioz pas mesnate, nisin hetimet

BULQIZË-Një varrim pas mesnate në varrezën e qytezës së Bulqizës ka zgjuar dyshime të forta në prokurorinë dhe policinë e kësaj zone.

Policia ka mbledhur fakte se disa persona janë parë pas mesnate teksa hapnin një varr në varrezë.
Dyshimet çuan efektivët dhe prokurorët në vendgjarje ku vërejtën një grumbull dheu, pa asnjë tabelë me emër.

Sipas policisë, dyshohet se një person është varrosur pas mesnate dhe efektivët blu kanë nisur hetimet.

Kanë nisur hetimet për të mbledhur fakte që mund të çojnë në zbardhjen e plotë të kësaj ngjarje të veshur me mister.