Evropa zbret në fushë, ndizet Hollandë-Gjermani
Wed 14 Nov 2012 - 9:58
AMSTERDAM- Hollandë-Gjermani, Itali-Francë, Suedi- Angli. Beteja të denja për fazën me eliminim direkt të një Kupe Bote apo Europiani, por që sot do të shihen në përballjet direkte mes tyre. Vëmendja e të gjithëve do të jetë sidomos në Amsterdam, aty ku skuadra e drejtuar nga Luis Van Gal do të presë Gjermaninë e Joakim Lëv. Edhe pse një nga ndeshjet më të forta, skuadrat vijnë me probleme të shumta për arsye dëmtimesh.
Janë 9 lojtarë që mungojnë për Gjermaninë, ndërsa për nënkampionët e botës në fuqi, emrat kryesorë janë Van Persi e Shnajder.
“Nuk mund të thuhet se ata po luajnë me skuadrën e dytë, pasi këta që do të luajnë në fushë janë akoma më të motivuar. Gjermania ka lojtarë më të mirë se ne, por nëse duam të fitojmë Kupën e Botës, duhet të fitojmë me më të mirët”, tha trajneri i Hollandës, Van Gal.
“Çdo ndeshje mes dy ekipeve kombëtare ka shumë vlerë në arenën ndërkombëtare. Është një ndeshje shumë e rëndësishme dhe për dua që ta fitojmë. Nuk mendoj se do të jetë ndonjë problem i madh për ne që luajme me shumë ndryshime, pasi këta lojtarë janë akoma më të motivuar”, shtoi më tej ai.
Drejtat e ktij Forumit:
Ju nuk mund ti përgjigjeni temave të këtij forumi