Ibra i jashëtzakonshëm, shënon supër golin e vitit

Zlatan Ibrahimovic ka shënuar plot katër gola ndaj Anglisë, në ndeshjen jubilare të 100-të për kapitenin e Anglisë, Steven Gerrard.
Suedia e filloi më mirë takimin. Ishte Ibrahimovic (20’), ai që hapi serinë e golave duke i dhënë epërsinë ekipit të tij.

Sidoqoftë, kjo nuk u pëlqeu nga Danny Welbeckut (35’) dhe Caulkerit (38’) të cilët shënuan dy gola të shpejtë për t’i dhënë Anglisë epërsinë pas pjesës së parë.

Në pjesën e dytë trajnerët bënë disa zëvendësime. Sidoqoftë, kjo nuk kishte rëndësi fare për Zlatan Ibrahimovic.

Zlatan Ibrahimovic (77’) realizoi një gol me asistim të Senvesson për 2-2, teksa në minutën e 84 e kaloi në epërsi Suedinë. Për t’ua bërë totalisht bajat futbollin anglezëve dhe për t’i thënë Gerrardit se duhet t’i ndjekë këshillat e tij, ishte Ibracadabra ai që realizoi për 4-2 në minutën e fundit të takimit. Goli i fundit ishte spektakolar, e la ne hije golin nga gjuajtja e lire. Gërshëra nga 35 metra është e pa përsëritshme. Unike. E jashtëzakonshme.

Kjo ndeshje miqësore edhe njëherë tregoi se Anglia ka probleme serioze dhe se Ibrahimovic nuk po tregon shenja se do të ndalet ndonjëherë.