Rita Ora, këndon falas

Rita Ora, këngëtarja me origjinë kosovare që po bën bujë në tregjet botërore, ka anuluar çdo koncert dhe ka boshatisur agjendën e saj vetëm për të qenë prezente në Tiranë në ditën që shënohet 100 vjetori i shtetit shqiptar.
Ajo do të këndojë falas në sheshin “Nënë Tereza” më 28 nëntor dhe ka kërkuar që vetëm t’i sigurohen instrumentet dhe banda e saj nga Berlini.
Siç shkruhet në gazetën Mapo, këngëtarja ka qenë tepër e emocionuar dhe e lumtur për ftesën që i është bërë nga autoritetet shqiptare dhe për këtë nuk ka pranuar asnjë lloj pagese. Koncerti që ajo do të mbajë do të jetë falas si një dhuratë për shqiptarët dhe pavarësinë e shtetit shqiptar në këtë vit jubile.
Po kështu, agjenda e saj në Shqipëri mësohet se do të jetë tepër e ngjeshur me takime mjaft të rëndësishme, konferencë për shtyp me gazetarët, madje do të jetë e ftuar edhe në studion e emisionit “Opinion”.

Bravo Ora, kjo eshte e papar