Të fikët gjatë festës, vdes 15-vjeçarja

Në tragjedi u kthye festa për një adoleshente nga Ura Vajgurore. Vajza 15-vjeçare ndërroi jetë pak kohë pasi u dërgua në spital me urgjencë. Ajo ndodhej me shokët në një festë, kur papritur i ra të fikët.
Burimet policore bëjnë me dije se nga dëshmitë që kanë dhënë miqtë e vajzës, të pranishëm në festë, ajo nuk kishte konsumuar fare alkool, por vetëm pije energjike.

Sipas mjekëve, ka shumë mundësi që nxënësja të ketë pësuar një atak në zemër apo hemorragji cerebrale, por gjithçka do të zbardhet pas kryerjes së autopsisë.