Bleona Qereti: Nuk e njoh Rita Orën

Bleona Qereti ka reaguar në Facebook për lajmin se Rita Ora kishte refuzuar një drekë me të, me rastin e koncertit të organizuar për 100-vjetorin, ku merrnin pjesë të dyja këngëtaret.

“Miq të dashur, po lexoj nëpër portale të ndryshme online një lajm aspak të vërtetë, lidhur me refuzimin e një ftese që Rita Ora më paska bërë mua për të drekuar.

Nuk kam pasur asnjë komunikim me Rita Orën dhe për pasojë, nuk ka pasur asnjë ftesë nga ana e saj dhe as nga unë. Nuk njihem personalisht me Ritën”, është shprehur Bleona në Facebook.