Bërxollë 4.2 kg, ja çfarë fiton kush e ha!

Një bërxollë gjigande ofron restoranti “The Duck Inn”, në Worcestershire të Britanisë së Madhe. Por restoranti në fjalë kërkon që kjo bërxollë 4.2 kg, të konsumohet nga klienti brenda një ore.
Në qoftë se ia dilni mbanë ta hani, atëherë përveç se të ngopur, do të largoheni edhe me 135 euro, aq sa kushton në fakt e gjithë pjata.

Kështu, nuk do të paguani asgjë, por do të hani krejt falas!
Bërxolla peshon 4.250 kg, ka gjatësi dhe gjerësi rreth 30 cm, trashësi 10 cm dhe nevojiten rreth 2 orë për ta pjekur.
Pjata ka si garniturë patate të skuqura, kërpudha dhe qepë të skuqura.
Kjo pjatë i është shtuar menusë së restorantit rreth një vit më parë, por deri më sot askush nuk ia ka dalë dot mbanë. Pra, fituesi i ardhshëm i kësaj pjate mund të jeni ju! /alb-observer.com/