Beqaria Sjell “Ters”, Vajzat Marrin Të Dashur Me Qira

Sun 20 Jan 2013 - 3:37

Vit i ri, dashuri e re, por me qira. Kina përgatitet për të festuar ndërrimin e viteve, i cili këtë vit përkon në 10 shkurt dhe do të kalohet nga viti i Dragoit tek viti i Gjarprit.
Sipas traditës rreth 500 milionë persona do të kthehen në vendet e lindjes, pranë familjeve të tyre për të kaluar natën e ndërrimit të viteve me të afërmit.

Por ky është një moment jo shumë i mirë, kryesisht për vajzat e reja, pasi sipas traditës së disa provincave kineze, vajzat që kthehen në shtëpi beqare, (pa të dashur) nuk do të kenë fat në të ardhmen e tyre, raporton noa.al.
Ndërsa e kundërta ndodh nëse ato prezantohen tek prindërit me një “mik special”, pasi atëherë e ardhmja për to është e begatë.
Nisur nga ky fakt, çdo vit në ditët e fundit të muajit janar në një faqe interneti publikohen lajmërimet e vajzave të reja, që kërkojnë “të dashur me qira”.
Djemtë, të cilët duan të fitojnë disa para më shumë, sakrifikojnë pushimet e tyre por me xhepin e mbushur me 3.000 yuan, rreth 350 euro, përveç shpenzimeve (udhëtimi, dhe në ndonjë rast edhe veshjet elegante).
Sa kaq, në listën e këtyre shpenzimeve nuk janë të përfshira marrëdhëniet intime mes çiftit dhe djemtë janë të detyruar të puthin “të dashurën” vetëm në faqe.raporton noa
Gjatë këtyre ditëve në këtë faqe interneti janë publikuar rreth 260 lajmërime, por gjithashtu ndodhen edhe komentet e vajzave dhe djemve, që kanë përjetuar vitin e kaluar një situatë të tillë.