Kristen, Nicole dhe Marion pa make up

Kristen Stewart, Marion Cotillard dhe Nicole Kidman pozuan për revistën “W” si rrallëherë fansat mund t’i shohin…pa “make up”.

Tre aktoret më në zë të Hollywood-it pranuan të fotografoheshin në gjendje e tyre natyrale, pa hedhur asgjë mbi fytyrë. Kristen duket disi e lodhur. Ajo flet edhe për filmin e saj të fundit, “On the Road”. Në këtë film Kristen i është dashur të zhvishet disa herë.

Ajo pranon se gjithcka rreth filmit rrotullohet tek “lakuriqësia e saj”, por shton se sfida e vërtetë për të në këtë film ishte kërcimi. “Të zhvishesh në një film nuk është asnjëherë më e vështirë se sa të kërcesh. Më është dashur shumë punë dhe prova sfilitëse për t’u përshtatur me skenat e kërcimit”, thotë ylli i sagës “Twilight”.
Ndërsa për Nicole Kidman, nënë e dy fëmijëve duket se vitet kanë ngecur. 45-vjeçarja shfaqet natyrale e ulur në një karrige me flokë të shkujdesura.
Më origjinale është treguar Marion Cotillard. Aktorja franceze shfaqet e freskët dhe e sapodalë nga dushi.