Kompanitë e internetit marrëveshje, fëmijët të kontrollohen në përdorimin e internetit

Fëmijët shqiptarë do të jenë nën kontroll përsa i përket përdorimit të internetit. Rreziqet, të cilat i kanosen familjeve me masivizimin e këtij shërbimi, sidomos tek moshat e mitura do të jenë të kontrollueshme falë hyrjes në fuqi të një kodi sjelljeje, i cili është firmosur mes operatorë të komunikimeve elektronike në vend dhe ISP-ve nën kujdesin e Ministrit për Inovacionin dhe TIK, Genc Pollo.

Drejtuesit e kompanive të ndryshme të internetit dhe atyre GSM, përfshi këtu edhe kompaninë “Abissnet” lider në këtë fushë, kanë shprehur gatishmërinë për të ofruar mekanizmat e duhura si publikimin e webside-ve për të udhëzuar prindërit se si mund të kontrollojnë fëmijët e tyre gjatë përdorimit të internetit apo vendosjen e aparaturave që kufizojnë aksesin në faqe të papërshtatshme.

Në Shqipëri, 60% e popullsisë janë përdorues të rregullt të internetit, 1.3 milion janë përdorues të rrjetit social Fb.

/Shekulli Online/ E.L/