Bajern kalon në gjysmëfinalet e Kupës

Bajerni i Mynihut ka kaluar në gjysmëfinalen e Kupës së Gjermanisë. Bavarezët kanë arritur të fitojnë përballë Borusias së Dortmundit, 1-0 në “Allianz Arena”.

Skuadra e drejtuar nga Jup Hejnkes e ka merituar plotësisht fitoren në këtë ndeshje, pavarësisht se u shënua vetëm një gol, ai i Arjen Roben.

Holandezi, në minutën e 43-të, me një të majtë ka dërguar topin aty ku nuk arriti dot portieri i Borusias.

Në pjesën e dytë, Bajerni ka krijuar edhe shumë raste të tjera, por gjithsesi rezultati mbeti i pandryshuar.

Së bashku me to, për në fazën gjysmëfinale të Kupës së Gjermanisë, për të cilën hidhet sërish short, kanë kaluar edhe Shtutgarti, Frejburgu dhe Volfsburgu.