Sharon Stone “shtyp” shërbyesen e saj

Aktorja e njohur Sharon Stone është paditur nga ish- shërbyesja e saj, Angelica Castillo, e cila pretendon se është pushuar padrejtësisht nga puna pas një dëmtimi që ajo ka pësuar gjatë kohës që ishte në punë.
Angelica Castillo ka punuar për dy vite me radhë për aktoren 55-vjeçare.
Shërbyesja ka pohuar gjithashtu se, Sharon Stone, i ka mohuar asaj pushimin që mjeku i kishte rekomanduar për të rimarrë veten pas dhimjes që ajo ndiente nga ngritja e peshave të rënda dhe se aktorja e ka fyer duke e quajtur “të çmendur” dhe “budallaqe”.
Castillo thekson se Stone e bëri atë të hyjë në punë, duke injoruar urdhërat e mjekut, dhe se në të njëjtën ditë në të cilën ajo nuk ishte në gjëndje të punonte ajo e pushoi nga puna.
Si rrjedhim, Angelica Castillo po kërkon një dëmshpërblim të majmë nga aktorja e famshme e filmit “Basic Instinct”./alb-observer.com/