Share
Shko poshtë
Anabel
Anabel
Fondatore Forumi
Fondatore Forumi
 <b>Gjinia</b> Gjinia : Female
<b>Shteti</b> Shteti : Greece
<b>Postime</b> Postime : 88355
<b>Anetaresuar</b> Anetaresuar : 22/01/2010
http://www.engjujtshqiptare.com/

default Një në dhjetë studiues në Gjermani është i huaj

prej Wed 24 Apr 2013 - 19:49
Një në dhjetë studiues në Gjermani është i huaj GjermanjiaGjermania ka forcë tërheqëse si vend studimesh, megjithatë ka nevojë për përmirësime.

Gjermania si vend i shkencës ndodhet para një sfide. Sipas vlerësimeve, në vitin 2030 në Gjermani do të punojnë në sektorin e "kërkimit dhe zhvillimit" rreth 2,1 milionë persona. Dy të tretat e vendeve të punës do të jenë për ata që kanë përfunduar shkollat e larta.

Këto shifra janë bërë të njohura nga Zyra Federale për Migracion dhe Refugjatë (BAMF) në një studim aktual, transmeton albinfo.

Duke pasur parasysh parashikimet për zhvillimin e popullsisë, është e qartë se Gjermania ka nevojë për më shumë shkencëtarë që të vijnë nga vendet e tjera, në mënyrë që të zihen vendet e punës që janë në numër të madh, raporton DW. Pjesa më e madhe e shkencëtarëve të huaj janë të kënaqur me Gjermaninë si vend pune dhe jetese. Jo vetëm së fundi, iniciativa për nivelin e ekselencës e Landeve dhe e Federatës ka bërë që shumë universitete gjermane të investojnë në ofertat e tyre, në mënyrë që të bëhen interesante për studiuesit nga vendet e tjera.

Edhe institutet kërkimore gjermane që vlerësohen në botë për kualitetin e tyre, si për shembull, Instituti Die Max-Planck ose Shoqëria Helmholtz, si dhe institutet kërkimore të koncerneve të mëdha joshin të vijnë në Gjermani shkencëtarë ndërkombëtarë tëe nivelit të lartë.

Pajisja e përshtatshme e shkollave të larta është një nga aspektet që ndikon për ta ndier veten mirë në Gjermani, thotë Georg Scholl, zëdhënës i shtypit të Fondacionit Alexander-von-Humboldt: "Ne pyesim të gjithë bursistët si i kanë përjetuar të ashtuquajturit faktorë të butë, si kujdesi për fëmijët, burokracia apo njohuritë e gjermanishtes në popull.

Rreth 91 për qind e tyre janë të kënaqur dhe thonë se do të dëshironin të vinin sërish". Kritika ka pasur kryesisht për burokracinë e madhe dhe kërkimi pa shpresë për të gjetur apartamente banimi në qytetet universitare.

Ndërkohë disa universitete kanë reaguar ndaj kritikave dhe kanë krijuar qendra speciale për akademikët e huaj.

Në këto "Welcome Points" studiuesit e huaj marrin ndihmë për çështjet organizative, në mënyrë që të mos harxhojnë shumë kohë të panevojshme nga jeta e tyre shkencore.

80 për qind e rreth 800 mijë studiuesve në Gjermani bëjnë pjesë në grupin ISCO 2 të profesioneve.

Në këtë grup përfshihen të gjithë studiuesit e shkencave natyrore dhe inxhinierët. Edhe te studiuesit e huaj më shumë se 11,2 për qind janë matematikantë dhe informatikantë.

Ky rezultat është për Andreas H. Block, autor i studimit: "Shkencëtarët e huaj në Gjermani", një shenjë e mirë.

"Duke pasur parasysh ankesat e shpeshta për mungesë force të specializuar, rezultati që kemi nxjerrë ne është i kënaqshëm edhe për ekonominë, sepse ai thotë se ne tërheqim personel të kualifikuar për sektorët që kanë nevojë në Gjermani."

Më shumë se gjysma e shkencëtarëve të huaj vijnë nga vendet e BE-së. Ata kanë të drejtën e zgjedhjes së lirë të vendit të punës. Edhe për studiuesit nga vende të treat, si Kina, India dhe SHBA-ja, Gjermania është një vend interesant.

Kushtet juridike janë shumë të mira në krahasimet e bëra për të gjitha vendet, thotë një studim i OECD-së. Përveç kësaj, për shkencëtarët që duan të vijnë në Gjermani janë bërë lehtësime të ndryshme kohët e fundit.

"Testet që bëhen në tregun e punës janë hequr gradualisht, niveli i rrogave është përmirësuar për profesionet e mangëta dhe me „Kartën Blu“ merret një titull, që është interesant për studiuesit".www.mtv.com


Një në dhjetë studiues në Gjermani është i huaj Engjuj17
Portali ~ Forumi ~ St@ff ~ Rregulloria Forumit

Keni paqartesi... Me kontakto ne PM
Hotlani
Hotlani
V.I.P Forumi
V.I.P  Forumi
 <b>Gjinia</b> Gjinia : Male
<b>Shteti</b> Shteti : Ilirida
<b>Postime</b> Postime : 1151
<b>Hobi</b> Hobi : lexim dhe shkrim i poezive
 <b>Vendndodhja</b> Vendndodhja : Në hapsirën shqiptare
<b>Anetaresuar</b> Anetaresuar : 14/11/2012
http://www.engjujtshqiptare.com

default Re: Një në dhjetë studiues në Gjermani është i huaj

prej Wed 24 Apr 2013 - 22:13
Eshte e vertete se ne gjermani ka shum te huaj per shkak se kushtet jane shume te volitshme,sepse shkollimi edhe pere te huajt eshte falas duke filluar nga shkolla fillore e deri te studimet univerzitare eshte falas


FEMIJA RRITET DUKE FJETUR ,POR NESE NJI POPULL FLEN AI VDES. ISMAIL QEMALI
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi