Sherr për ndeshjen e futbollit, vritet me thikë 19 vjeçari nga Fushë-Kruja

Një i ri ka humbur jetën mbrëmjen e djeshme në Fushë Krujë, pas një sherri me thika për ndeshjen e futbollit. Mësohet se 19 vjeçari Florjan Kadiu është goditur nga një bashkëmoshatar i tij në një nga lokalet e fshatit Borizanë. Policia ka bërë me dije se të rinjtë po shikonin ndeshjen Dortmund-Real Madrid, kur janë konfliktuar për shkak të rezultatit të ndeshjes dhe sherri ka degjeneruar deri në përdorimin e thikave.
Vrasësi është larguar nga vendngjarja dhe uniformat blu kanë nisur hetimet dhe janë vënë në kërkim të tij./alb-observer.com/