Aventurë tragjike: Nga SHBA drejt Brazilit për Botërorin, e shtyp makina

Amerikani Richard Swanson pasi kishte humbur punën, kishte kërkuar një aventurë të veçantë… të shkonte në botërorin e futbollit, Brazili 2014 në këmbë. Për këtë qëllim, 42-vjeçari që punonte si dizenjator grafik, shiti shtëpinë që kishte në Seattle dhe nisi rrugëtimin në këmbë për në Sao Paulo, njërin ndër qytetet organizatore të Kupës së botës, Brazili 2014.Por kjo aventurë, jo vetëm që ngeli një ëndërr e parealizuar, por përfundoi edhe në një tragjedi. Pas vetëm dy javësh, atë e goditi për vdekje një makinë në Oregon të SHBA. Afër trupit të tij të pajetë gjetën edhe një top futbolli. /alb-observer.com/