Erla Mëhilli: Deputeti i PS tentoi të nxirrte nga rruga makinën e Kryeministrisë

Zëdhënësja e kryeministrit Berisha, Erla Mëhilli, akuzon deputetin socialist Arben Isarai se ka tentuar të nxjerrë nga rruga makinën ku udhëtonin punonjësit e zyrës së shtypit të Kryeministrisë.

Përmes një postimi në rrjetin social “Facebook”, Mëhilli bën të ditur se makina e deputetit socialist bëri një parakalim të gabuar në Fier, me qëllim që të nxirrte nga rruga makinën e Kryeministrisë.

“Rrugës për në Fier, në autostradë, një makinë, me vetëdije të plotë, pasi na u afrua dhe pa kush ishte në makinën tonë, tentoi të na nxirrte nga rruga makinën ku udhëtoj unë dhe zyra e shtypit. Policia e ndalon në dalje të Fierit dhe kush ishte? Deputeti i Partisë Socialiste Arben Isarai. As që dua ta di as për të vëllain që e ka kriminel dhe burgaxhi, as për atë vetë që është deputet. Këtu do lahen të gjitha”,- shkruan Mëhilli në “Facebook”.