Kundër Rihanna-s

Zyrtarët e një grupi kundër drogës në Britani, kanë kërkuar nga shefat e një zinxhiri britanik të modës në këtë shtet, që të largoj Rihanna-n nga fushatat e saj reklamuese, për shkak të veprimeve të fundit të këngëtares në Holandë.
Ylli i hitit ‘Umbrella’ kishte shkaktuar kontroversë duke pozuar në foto me dy cigare gjigante me marihuana, gjatë një argëtimi të çmendur në një klub nate vikendin e kaluar. Dhe këto foto ajo i kishte postuar në faqet e saj në Twitter dhe Instagram dhe tani kërkohet që shefat e ‘River Island’ t’i japin fund kontratës së saj.
“Ajo duhet të dëbohet nga River Island pasi ajo konsiderohej si një model shembull për të rinjtë, por me veprimet e saj, ajo e ka bërë të kundërtën”, është shprehur Lucy Dave nga grupi kundër drogës ‘Cannabis Skunk Sense’.
Në një prononcim, Rihanna ka deklaruar se ajo nuk duhet të shihet si një shembull, pasi ajo e bën jetën e saj sipas qejfit.

/ ZERI INFO /