Aksidentohet me makinë, vdes një i ri. Policia: Udhëtonte me shpejtësi

TROPOJE-- Një aksident i rëndë automobilistik ka ndodhur rreth orës 10.00 të ditës së sotme në afërsi të fshatit Babinë në aksin rrugor Qafë Morinë-Bajram Curri me pasojë humbjen e jetës së një 24 vjecari.

Burime zyrtare të policisë lokale bëjnë të ditur se ngjarja e rëndë ka ardhur si pasojë e shpejtësisë së madhe. Drejtuesi i autoveturës me targa të BC, Enver Imeraj, udhëtonte i vetëm. Si rrjedhojë e shpejtësisë tej normave të lejuara, ka dalë nga rruga duke u rrokullisur në humnerë e duke humbur jeten menjehere.

Në vendngjarje kanë mbërritur menjëherë forcat e policisë që po hetojnë për shkaqet e aksidentit që paraprakisht mendohet se është rrjedhojë e shpejtësisë tej normave të lejuara
/BalkanWeb