Sot martohet Soros, i ftuar dhe Rama

Sun 22 Sep 2013 - 11:03 Message reputation : 100% (1 vote)

Investitori miliarder, Geroge Soros do të martohet për herë të tretë këtë fundjavë. Filantropi 83-vjeçar do të martohet me 42-vjeçaren Tamiko Bolton, këshilltare për kujdesin shëndetësor, në një ceremoni që do të mbahet afër Nju-Jorkut.

Festime treditëshe kanë nisur të premten me një pritje në Museum of Modern Art. Ceremonia e dasmës do të mbahet të shtunën dhe do të ketë 500 të ftuar. Mes të ftuarve do të jenë Presidenti i Bankës Botërore, Jim Yong Kim, Presidenti i Estonisë, Hendrik Toomas Ilves, Presidenti i Liberisë, Ellen Johnson Sirleaf dhe Kryeministri i Shqipërisë, Edi Rama.

Soros është një kontributor i politikave liberale dhe pasuria e tij sipas “Forbes”, përllogaritet të jetë 20 miliardë dollarë. Filantropi i lindur në Hungari në tri dekadat e fundit ka dhuruar më shumë se 7 miliardë dollarë për të promovuar demokracinë, fjalën e lirë, përmirësimin e edukimit dhe për luftimin e varfërisë në botë.shekulli.