Peshku më i gjatë në botë

Një instruktore e notit në bregdetin e Kalifornisë jugore, ka parë një peshk gjigant të ngordhur. Ajo tha se ishte mahnitur nga krijesa që kishte parë, pasi rrallë mund të shohësh një peshk të argjendtë rreth 5.5 metra të gjatë.

Jasmine Santanas kërkoi ndihmën e 15 njerëzve për ta tërhequr krijesën gjigante të detit. Stafi shkencor i “Catalina Island Marine Institute” po e quajnë këtë zbulimin e jetës.

“Nuk kemi parë kurrë në jetën reale një peshk kaq të madh”, thotë Mark Waddington, kapiten në anijen “Tole Mour”. “Peshku i fundit i këtij lloji që e kemi parë ka qenë vetëm 1 metër i gjatë”.

Për shkak se këta peshq notojnë rreth 3000 metra në thellësinë e detit, të shohësh një krijesë të tillë është shumë e rrallë dhe shumë pak e studiuar.

Santana tregon momentin kur e ka gjetur këtë krijesë të rrallë të detit, teksa po notonte mbi ujërat e gjirit Toyon në ishullin Santa Catalina.

Ky peshk, megjithëse është ndër më të mëdhenjtë që ka parë syri i njeriut, ai mund të rritet deri në mbi 15 metra dhe konsiderohet si peshku me kocka më të gjata në botë.

/Shekulli Online/ E.L/

Sa I madh