9-vjeçari fotografohet 2 muaj pasi kishte vdekur

Nicolas McCabe ishte një djalë 9-vjeçar, i cili u vra majin e kaluar, pasi tornadoja shkatërroi ndërtesën e shkollës, ku ai mësonte në Moore të Oklahoma-s. Atë ditë së bashku me Nicolas-in kishin humbur jetën edhe 6 fëmijë të tjerë.

Është e njohur që dhimbja bën të mundur që të shkaktojë vegime të ndryshme në mendjen e atij që është duke e përjetuar atë. Por, në rastin e babait të 9-vjeçarit situata është pak më ndryshe.

Në një foto të mbesës së tij, Madison, e cila është duke luajtur me një fishekzjarr në ditën e festës kombëtare të SHBA-ve, pra më 4 korrik të këtij viti, që do të thotë 2 muaj pas ngjarjes që i mori jetën 7 fëmijëve të vegjël, babai i saj vuri re se pas figurës së vajzës së tij ndodhej edhe një figure tjetër, e cila ngjante me nipin e tij të vdekur 2 muaj më parë. Këtë foto ai ja tregoi edhe vëllait të tij, dmth babait të Nicolas, dhe tani ata janë të bindur se pas figurës së vajzës së gjalle, si një engjëll mbrojtës qëndron edhe figura e djalit të vdekur.

Sipas babait te djalit, ai e pëlqente shumë festen e katër korrikut dhe e donte shumë vajzën e xhaxhait të tij.

Gjithsesi, të tjerë mendojnë se fotoja nuk tregon veçse vajzën e vogël dhe imazhin e saj të sfumuar për shkak të lëvizjeve të saj si edhe të aparatit fotografik, por për babanë e ngratë nuk ka pike dyshimi, “Ai po na sheh në, për këtë jam i bindur, të tjerët të mendojnë ç’të duan”.

/Shekulli Online/ E.L./

Interesante!