Krishtlindjet e fundit të Isabella-s

Nëna e vogëlushes 3-vjeçare tregon se si ia ndërpreu kurën kundër tumorit për të kaluar të paktën një Krishtlindje me tëNjë nënë britanike bëri një rrëfim rrëqethës për “Daily Mail”, kur tregoi se kishte vendosur që t’ia ndërpriste trajtimin kundër tumorit bijës së saj 3-vjeçare, në mënyrë që të kalonte Krishtlindjet me të.

Isabella e vogël lufton çdo ditë me një tumor të rrallë në tru, i cili u shfaq që kur ajo ishte 1 vjeçe. Ajo duhet të niste fazën e fundit të kimioterapisë muajin e shkuar, në mënyrë që të zgjaste sadopak jetën e saj.

Por ky trajtim i rëndë i ka sjellë asaj dobësim të shëndetit, saqë e ëma vendosi që t’ia ndërpriste kurën, në mënyrë që të kalonte disa çaste të gëzueshme këto Krishtlindje.

Mjekët thonë se këto Krishtlindje do të jenë të fundit për Isabella-n, ndaj edhe e ëma është e vendosur që t’i sjellë sadopak buzëqeshje jetës së foshnjës së saj.