Dy fëmijë “pozojnë” me peshkaqenin

Një foto e rrallë e shkrepur në Kaliforni nga një nënë e dy fëmijëve po bën xhiron e botës. June Emerson fotografoi dy fëmijët e saj të mitur në një plazh të Kalifornisë, mirëpo pranë tyre shihet edhe një peshkaqen.

“U trondita kur e pashë foton”, tha June Emerson për një kanal televiziv amerikan. “Fillimisht nuk e vura re peshkaqenin që po notonte pranë fëmijëve të mi. Më pas mendova se ishte ndonjë delfin dhe kështu u kam thënë edhe fëmijëve”, vijoi ajo.

June tregoi më pas se fëmijët e kishin vënë re peshkaqenin përpara se të shkrepej fotoja, ndaj edhe po notonin pranë tij, duke menduar se ishte ndonjë peshk i madh.shekulli.