Vila super luksoze e presidentit të Ukrainës

Pas trazirave në vend, presidenti Yanukovych braktis vilën e tij në fshat Ish-presidenti i Ukrainës, Viktor Yanukovych, shkarkimi i të cilit u votua pasditen e sotme nga parlamenti ukrainas, zotëron një pasuri të patundshme tepër të rrallë. Një vilë super luksoze, me një liqen artificial në mes të saj, me një kopsht zoologjik privat, ku mund të gjesh edhe dele, derra dhe antilopa.

Vila ndodhet në një fshat turistik të Ukrainës, dhe brenda saj ndodhet një kazino, dhoma të shumta dhe një sallë e banketi, ku mund të gjesh shishe pa fund me vodka. Ndërsa në garazhin e vilës ndodhen makina të shtrenjta të llojeve të ndryshme, motorë dhe mjete të tjera klasikë. Pas braktisjes së vilës, për shkak të trazirave që ndodhën ditët e fundit mes protestuesve dhe qeverisë, gazetarëve i është dhënë mundësia që të bëjnë foto të vilës së Yanukovych-it.

/Shekulli Online/ E.B./