50-vjeçari i sëmurë po dërgohej në spital, vdes rrugës nga një aksident

Një 50-vjeçar ka qenë duke u shoqëruar nga të afërmit për një vizitë në spital kur ka gjetur vdekjen gjatë rrugës, për shkak të një aksidenti


FUSHË-KRUJË-Një 50-vjeçar ka qenë duke u transportuar nga të afërmit drejt spitalit, kur përgjatë rrugës ka pësuar aksident dhe ka humbur jetën. Ngjarja ka ndodhur mëngjesin e sotëm në Fushë-Krujë, ku 50-vjeçari Kol Ndreca ka qenë duke u dërguar në spitalin e qytetit, pasi kishte disa probleme shëndetësore, por ka gjetur vdekjen përgjatë rrugës.

Sipas të dhënave nga policia lokale, mësohet se makina me të cilën po transportohej 50-vjeçari është përplasur me një tjetër automjet, duke shkaktuar vdekjen e menjëhershme të 50-vjeçarit.

Kol Ndreca po shoqërohej nga familjarët e tij, por fatmirësisht nga aksidenti nuk ka pasur persona të tjerë të lënduar. Ekspertët e policisë po punojnë për zbardhjen e plotë të aksidentit.

/Shekulli Online/ E.B./