Dënohet me 10 ditë burg, Babai: Ma lironi djalin sa të martohet

Thu 10 Apr 2014 - 23:33

FIER-Babai i një 25-vjeçari i ka drejtuar një kërkesë Prokurorisë dhe Gjykatës që t’ia lirojnë, djalin nga burgu vetëm për fundjavë pasi ka dasmën.Mësohet se, 25-vjeçari nga Fieri, Rudjan Driza, u arrestua nga policia pasi ishte duke ecur me motor dhe pa kaskë. Për këtë veprim ai u dënua me 10 ditë burg, duke bërë kështu që edhe ditën e dasmës ai të ndodhet në qeli.Por, babai i tij nuk ka dashur ta shtyjë dasmën dhe i ka drejtuar një kërkesë organeve të drejtësisë që t’ia lirojnë djalin dhe të hënën ka premtuar, që do ta çojë vetë në burg me duart e tij, për të kryer pjesë e mbetur të dënimit.

“I lutem prokurorisë dhe gjykatës ta lirojë sa të martohet. Kam marrë para borxh për të bërë dasmën e djalit. Të hënën garantoj se do ta çoj vetë në burg”,- shprehet babai i 25-vjeçarit.

/Shekulli Online/ E.L./