NYT: Jezu Krishti kishte grua?!

Shkencëtarët kanë mësuar pak më shumë rreth një copë papirusi kundërthënës e njohur si “Ungjilli i Gruas së Jezuit”, copë letre kjo që disa i ka bërë të mendojnë se Jezu Krishti ka qenë i martuar.

Hulumtues nga Columbia, Harvardi dhe MIT kanë ardhur në përfundimin se kjo copë letre është antike dhe është nga një periudhë kohore para shekujve katër dhe tetë.

“Ungjilli i Gruas së Jezuit” ka ngjallur vëmendje të madhe për shkak se përmban fraza ku Jezui i referohet bashkëshortes së tij: “Jezui u tha atyre, ‘Gruaja ime…’” dhe “ajo do të jetë në gjendje të jetë disiplina ime”. (megjithatë, ekziston dyshimi nëse termi “grua” i referohet asaj që i referohemi ne sot).

“Ky fragment ungjillor na ofron një arsye për të rimenduar atë që konsiderojmë se dimë”, ka thënë profesori i Shkollës për Teologji në Harvard, Karen L. King.

Më herët, Vatikani këtë copë letre e pati cilësuar si të rremë, ndërsa ka pasur edhe dijetarë që kanë thënë se kjo copë letre është krijuar shumë vite më vonë se që mendohet.

Ndryshe, kjo copë letre, që dyshohet se është hequr nga Bibla, është publikua për herë të parë në shtator të vitit 2012.

shqipmedia.