Pse nuk i kujtojmë dot ngjarjet e fëmijërisë?
Sun 11 May 2014 - 18:44
Dihet prej një kohe të gjatë që ne përpiqemi shumë të kujtojmë fëmijërinë tonë, veçanërisht para moshës 3-vjeçare. Kërkuesit besojnë se tani e kanë gjetur përgjigjen pse nuk mund të kujtojmë. Ata pretendojnë se, teksa rritemi, qelizat e reja të trurit, “mbishkruajnë” qelizat ekzistuese, duke fshirë kujtimet e hershme.
“Amnezia foshnjore i referohet mungesës së kujtimeve për ngjarje që kanë ndodhur në vitet e para të jetës. Shumica e njerëzve nuk mbajnë mend shumë nga ato që kanë ndodhur kur kanë qenë 2 ose 3 vjeç”, thotë autorja kryesore e studimit në Laboratorin e Neurobiologjisë në një spital fëmijësh në Toronto. “Por kjo nuk vjen për shkak e fëmijët nuk kanë kujtime në atë moshë, por se ato kujtime harrohen”.
Janë bërë shumë studime që kanë ekzaminuar mënyrën sesi neuronet mund të kontribuojnë në formimin e kujtimeve të reja. Rezultati tipik është se reduktimi i niveleve të neurogjenezës dëmton formimin e kujtimeve të reja. Përgjegjës për formimin e kujtimeve është hipokampusi. Kërkuesit besojnë se kur neuronet e reja integrohen në hipokampus, ato mund të ndikojnë kujtimet ekzistuese. Kur riintegrohen neuronet e reja, ato rimodelojnë qarqet e hipokampusit dhe ky rimodelim mund të çojë në degradim (humbje) të informacionit (kujtimeve) të ruajtura në këto qarqe.
/Shekulli Online/L.B./
Drejtat e ktij Forumit:
Ju nuk mund ti përgjigjeni temave të këtij forumi
|
|