Vjehrri godet me thikë nusen, pasi dyshoi se ishte lidhur me një mysliman

Një grua në Londrën lindore, është goditur me thikë në sy nga vjehrri i saj, i cili duke e akuzuar për marrëdhënie me një mysliman, i mori shikimin përgjithmonë.

Fotot tregojnë lëndimet e tmerrshme që gruaja pësoi, pasi u sulmua nga vjehrri i saj, sepse ai mendonte se ajo kishte patur një marrëdhënie me një burrë musliman.

Jageer Mirgind mbeti e verbër dhe e tmerruar për gjithë jetën, pasi 51-vjeçari Manjit Mirgind i ndërpreu shikimin duke e goditur me thikë në sy dhe duke bërtitur, "Do të të vras".

Fëmijët e zonjës Mirgind, njëri tre dhe tjetri gjashtë vjeç, ishin dëshmimtarë të sulmit të tmerrshëm në shtëpinë e nënës së tyre në Ilford, në lindje të Londrës. Ishin ata të cilët ju lutën gjyshit të lëshonte nënën e tyre.



Ai më në fund u largua dhe gruaja e tij lajmëroi një ambulancë për Mirgind. Burri më vonë u dorëzua në komisariatin e policisë dhe u tha atyre saktësisht se çfarë kishte ndodhur. Ndërkohë një akuzë për tentativë vrasjeje është paraqitur në gjykatë.

/Shekulli Online/E.H/